«Ինտերը» քննարկում է Հենրիխ Մխիթարյանի հետ պայմանագիրը երկարաձգելու հնարավորությունը
- 13:05 06.02.2026
«Ինտեր Միլանը» քննարկում է Հայաստանի հավաքականի նախկին ավագ Հենրիխ Մխիթարյանի հետ պայմանագիրը երկարաձգելու հարցը, հաղորդում է Calciomercato-ն՝ հղում անելով FCInter1908-ին։
Չնայած կողմերը դեռևս պաշտոնական բանակցություններ չեն վարել, ակումբի ղեկավարությունը մտադիր չէ բաժանվել 37-ամյա հայ կիսապաշտպանից։
Հիշեցնենք, որ Հենրիխ Մխիթարյանի պայմանագիրը «Ինտերի» հետ ուժի մեջ է մինչև այս ամառ։ Հայաստանի հավաքականի նախկին ավագը այս մրցաշրջանում թիմի կազմում անցկացրել է 22 խաղ՝ խփելով մեկ գոլ և կատարելով երկու գոլային փոխանցում։