Սամվել Կարապետյանը կլինի «Ուժեղ Հայաստան» կուսակցության վարչապետի թեկնածուն
- 14:40 12.02.2026
Սամվել Կարապետյանը կլինի «Ուժեղ Հայաստան» կուսակցության վարչապետի թեկնածուն։ Այս մասին հայտարարվեց այսօր՝ փետրվարի 12-ին, Կարեն Դեմիրճյանի անվան մարզահաներգային համալիրում կուսակցության պաշտոնական շնորհանդեսի ժամանակ։
Նարեկ Կարապետյանը խոստացավ, որ ընտրություններում հաղթելու դեպքում, ընտրություններից 20 օր անց, իրենք ԱԺ–ում 2/3 ձայներով փոփոխություն կկատարեն վարչապետի ընտրությանը վերաբերող Սահմանադրության 148–րդ հոդվածում, որը թույլ կտա ՀՀ ցանկացած քաղաքացու, այդ թվում Սամվել Կարապետյանին ընտրվել վարչապետ։
Նշենք, որ այս պահին գործող կարգավորումներով վարչապետ կարող է ընտրվել միայն ՀՀ քաղաքացիություն ունեցող անձը։