ԱՄՆ-ի բանակցություններն Իրանի, Ուկրաինայի, Հայաստանի հետ և բնական պաշարները

Երեքշաբթի օրը Ժնևում կայանալիք բանակցությունների ժամանակ Թեհրանը և Վաշինգտոնը, որպես հնարավոր համաձայնագրի մաս, կարող են քննարկել ԱՄՆ-ի համար Իրանի բնական պաշարներին մուտք բացելու հնարավորությունը՝ որպես ամերիկյան հարձակումը կանխելու տնտեսական խթան, հաղորդում է CNN-ը։

Այսօր Ժնևում տեղի են ունենում նաև ԱՄՆ-ի միջնորդությամբ Ռուսաստանի և Ուկրաինայի միջև բանակցություններ։ ԱՄՆ միջնորդությունը սկսվել է Ուկրաինայի կողմից իր հազվագյուտ մետաղների արդյունահանման իրավունքը ԱՄՆ-ին փոխանցող համաձայնագրի ստորագրմամբ։ Այդ մետաղների հինգ հանքավայրերից երկուսը գտնվում են Ռուսաստանի կողմից օկուպացված տարածքում։

CNN-ի աղբյուրների համաձայն, միջուկային համաձայնագրի հետ կապված կարող են կնքվել տնտեսական գործարքներ, որոնք քննարկվել են անցյալ տարի ԱՄՆ-Իրան բանակցությունների մի քանի փուլերի ընթացքում, այդ թվում՝ «ԱՄՆ-ին իրանական նավթի, գազի և հազվագյուտ մետաղների պաշարների մշակմանը արտոնյալ մուտք տրամադրելու» վերաբերյալ։

Ռեսուրսների հարցը չափազանց կարևոր է նաև «Թրամփի ճանապարհի» համատեքստում։ Հայաստանը հարավը հարուստ է ոչ միայն հազվագյուտ մետաղների, այլև ուրանի հանքավայրերով։ ԱՄՆ-ն և Հայաստանը դեռևս պաշտոնապես չեն հայտարարել 42 կիլոմետրանոց «Թրամփի ճանապարհի» լայնության մասին։ Նիկոլ Փաշինյանը ակնարկել է 500 մետր լայնության մասին, բայց սկզբում քննարկվել է 5 կիլոմետր։ Սա նշանակում է, որ ճանապարհի գոտում գտնվող բոլոր հանքերը 99 տարի կվերահսկվեն ամերիկյան ընկերության կողմից։

Այն մասին, որ ԱՄՆ միջնորդությունը Հայաստանում կապված է ռեսուրսների հետ, վկայում է նաև Ամուլսարի հանքում ոսկու արդյունահանման նախապատրաստական ​​աշխատանքների արագացումը։