Դևրեքի հայկական եկեղեցին կվերածվի թանգարանի
- 15:55 20.02.2026
Թուրքիայի Զոնգուլդաք նահանգի Դևրեք քաղաքի քաղաքապետ Օզջան Ուլուփընարը հանդիպել է Թուրքիայի մշակույթի և զբոսաշրջության նախարարության գրադարանների և հրատարակությունների գլխավոր տնօրեն Թաներ Բեյօղլուի հետ։
Հանդիպմանը քննարկվել է Դևրեք քաղաքի երբեմնի հայկական եկեղեցու շենքի վերականգնման հարցը։ Նշվում է, որ այդ պատմական կառույցի վերանորոգման աշխատանքները, որը նախկինում ծառայել է նաև որպես կինոյի շենք, կսկսվեն առաջիկա օրերին։ Նշվել է, որ այդ նախագծով շենքը կվերականգնվի սկզբնական տեսքին համապատասխան ու կգործի որպես եկեղեցի, թանգարան և գրադարան։ Հիշեցվել է նաև, որ այդ շենքը գրանցվել է որպես մշակութային ժառանգության վայր։
Համալիր ուսումնասիրությունների արդյունքում Դևրեքի հայկական եկեղեցին կվերածվի թանգարանի։