Թրամփը Չինաստանին խնդրել է մեկ ամսով հետաձգել իր այցը
- 10:04 17.03.2026
ԱՄՆ նախագահ Դոնալդ Թրամփը հայտարարել է, որ խնդրել է Չինաստանին մեկ ամսով հետաձգել իր այցը Պեկին և Չինաստանի նախագահ Սի Ցզինպինի հետ ապրիլի սկզբին նախատեսված գագաթնաժողովը՝ Մերձավոր Արևելքում պատերազմի պատճառով։
«Մենք բանակցություններ ենք վարում Չինաստանի հետ», – լրագրողներին ասել է Թրամփը Օվալաձև աշխատասենյակում։ «Պատերազմի պատճառով ես ուզում եմ այստեղ լինել. զգում եմ, որ պետք է այստեղ լինեմ։ Ուստի մենք խնդրել ենք հետաձգել հանդիպումը մոտ մեկ ամսով»։
Լրագրողների հարցերին պատասխանելով՝ ամերիկացի առաջնորդը նաև ասել է, որ պատերազմը, հավանաբար, այս շաբաթ չի ավարտվի։
«Չեմ կարծում [այս շաբաթ], բայց շուտով կլինի։ Դա երկար չի տևի», – հավելել է նա։