Պապիկյանը հերքում է Թաթոյանի պնդումները․ դա Հայաստանի տարածք չէ

Պաշտպանության նախարար Սուրեն Պապիկյանը շարունակում է հերքել Արման Թաթոյանի ներկայացրած փաստերը, որ ՀՀ տարածք նոր ներխուժումներ են տեղի ունեցել։ «Ոչ, հերքում եմ, եւս մեկ անգամ հերքում եմ, ՀՀ տարածքում դիրք չի կառուցվել։ ՀՀ ՊՆ-ն հանդես է եկել պաշտոնական հաղորդագրությամբ։ Թե իր երկի տարածքում Ադրբեջանը կառուցել է, մենք էլ ենք կառուցում»,- այսօր լրագրողներին ասաց Պապիկյանը։

Հարցին, որ նույնիսկ խորհրդային քարտեզները ցույց են տալիս, որ ադրբեջանական դիրքերի մի մասը ՀՀ տարածքում են, Սուրեն Պապիկյանը պատասխանեց․ «Դա չի համապատասխանում իրականությանը։ ՀՀ ՊՆ-ն եւս մեկ անգամ հայտարարում է՝ նման տեղեկատվությունն իրականությանը չի համապատասխանում»։