ՀՀ ԱԳՆ-ը խորապես վշտացած է Լիբանանում ավիահարվածների հետևանքով հարյուրավոր զոհերի կապակցությամբ
- 15:07 09.04.2026
ՀՀ արտգործնախարարությունը ցավակցություն է հայտնել Լիբանանում ավիահարվածների զոհ դարձած անձանց ընտանիքներին։
«Խորապես վշտացած ենք ապրիլի 8-ին Լիբանանին հասցված ավիահարվածների հետևանքով հարյուրավոր զոհերի և ավելի քան հազար վիրավորների կապակցությամբ: Մեր ցավակցությունն ենք հայտնում զոհվածների ընտանիքներին և շուտափույթ ապաքինում մաղթում բոլոր վիրավորներին՝ հույս հայտնելով, որ լարվածությունը կթուլանա և բոլոր ռազմական գործողությունները կդադարեցվեն»,– ասված է X-ում հրապարակված հաղորդագրությունում:
Հիշեցնենք` ապրիլի 8-ին իսրայելական ավիացիան հարվածներ է հասցրել Բեյրութի կենտրոնական Մազրաա, Մանար, Էյն էլ-Մրեյս և Բարբուր շրջաններին, ինչպես նաև հարավային արվարձանի 8 շրջաններին: Ավելի ուշ հայտնի դարձավ, որ զանգվածային հարվածների հետևանքով ավելի քան 250 մարդ է մահացել, 1165–ը` վնասվածքներ ստացել։