200 գրամ հացի համար գիշերային հերթերը վերսկսվում են
- 23:49 17.09.2023
Արցախի տեղեկատվական կենտրոնը հայտարարեց, որ այսօր ժամը 24.00-ից Ստեփանակերտի փուռերը կվերսկսեն հաց թխել։ Սա նշանակում է, որ մայրաքաղաքի բնակիչներին սպասվում է հերթական անքուն գիշերը։
Բայց եթե հաշվի առեք, որ Ստեփանակերտում արդեն երկրորդ օրն է, ինչ հաց չկա, և մարդիկ չեն կարող գնել անգամ կտրոններով իրենց հասանելիք 200 գրամը, ապա անքուն գիշեր անցկացնելու հեռանկարն այնքան էլ սարսափելի չէ։ Ավելին, մարդիկ արդեն երկրորդ ամիսն է, ինչ հերթերի մեջ են գիշեր-ցերեկ անցկացնում։
Ինչպես ասաց ցանոթս երկու օր առանց հաց մնալուց հետո. «Կարոտել եմ հացի գիշերային հերթերը»: Տխուր է։
Որոշ մտքեր են հայտնվում. Օրինակ, եթե 200 գրամը բաժանեք երեքի, քանի՞ գրամ հաց է հասնում մարդուն մեկ ճաշի համար: Ինչո՞ւ քաղաքում երկու օր հաց չկար, բայց հենց որ հայտարարվեց Բերձորի (Լաչին) միջանցքի և Ակնա-Ասկերան ճանապարհի հետ կապված պայմանավորվածության մասին, հացի արտադրամասերը սկսեցին ալյուր ստանալ։ Ինչո՞ւ էին քաղաքով մեկ խոսակցություններ պտտվում, որ ռուսական ալյուրից են հաց թխելու, բայց որոշ փուռեր այսօր ստացել են նույն ալյուրը, ինչ նախկինում։
Կենտրոնական փողոցներից մեկում գտնվող փուռի աշխատողներն ասացին, որ ստացել են նույն տեսակի ցորենի ալյուր և մի քիչ եգիպտացորենի ալյուր: Ստացվում է, որ ալյուր եղել է, բայց կամ չեն հասցրել աղալ, կամ պահե՞լ են։
Մինչդեռ արդեն ժամը 21.00-ին մարդիկ սկսեցին հավաքվել հացի փռերի մոտ։ Հերթերը, ինչպես նախկինում, ամրագրվում են նախապես։ Սոցցանցում քննարկումներ են ընթանում, “նավոդկայով”, թե որ հացի փուռն արդեն ստացել է ալյուր։ Այսօր հաց կստանան 10 համարի կտրոնով։
Ա.Գրիգորյան