Թրամփը հայտարարել է, որ Իրանի հետ պատերազմը «մոտ է ավարտին»

ԱՄՆ նախագահ Դոնալդ Թրամփը կարծում է, որ ԱՄն-ի և Իսրայելի՝ Իրանի դեմ մղվող պատերազմը «մոտ է ավարտին»։ Սա բխում է Fox News-ի լրագրող Մարիա Բարտիրոմոյի հետ հարցազրույցի ժամանակ նրա արած հայտարարություններից։ Չորեքշաբթի՝ ապրիլի 15-ին, հեռարձակվելիք զրույցի մի հատված տեղադրվել է հեռուստաալիքի կայքում։

Իրանի հետ պատերազմն ավարտվե՞լ է հարցին Թրամփը պատասխանել է. «Կարծում եմ՝ դա… ես ստիպված էի միջամտել, քանի որ եթե դա չանեի, հիմա Իրանը կունենար միջուկային զենք։ Իսկ եթե նրանք միջուկային զենք ունենային, դուք ստիպված կլինեիք նրանց դիմել «պարոն» բառով, իսկ դուք դա չեք ուզում»։ Պատերազմն ավարտվե՞լ է, թե ոչ» հարցին նախագահը պատասխանել է. «Կարծում եմ՝ այն մոտ է ավարտին, այո։ Այսինքն՝ կարծում եմ՝ այն շատ մոտ է ավարտին»։

Ըստ Թրամփի, եթե ԱՄՆ-ն հենց հիմա դուրս բերի իր զորքերը, Իրանին 20 տարի կպահանջվի վերականգնվելու համար։ «Եվ մենք դեռ չենք ավարտել։ Կտեսնենք, թե ինչ կլինի», – հավելել է նա՝ նշելով, որ կարծում է, որ Իրանը «շատ լուրջ» է վերաբերվում համաձայնության հասնելուն։

Ինչպես հաղորդում է AP-ն, Իրանում պատերազմի սկսվելուց ի վեր Դոնալդ Թրամփը բազմիցս հայտարարել է ԱՄՆ հաղթանակի մասին, չնայած իրականությունն ավելի բարդ է, հաղորդում է DW-ն։