Հայաստանը Մեծ Բրիտանիայի, Եվրամիության և Ֆրանսիայի հետ հռչակագրեր ստորագրեց

Վերջին երկու օրերի ընթացքում Հայաստանը ստորագրել է համագործակցության մասին հռչակագրեր ՝ Մեծ Բրիտանիայի, Եվրամիության и Ֆրանսիայի հետ։

Մեծ Բրիտանիայի հետ կնքված փաստաթղթում նշվում է, որ կողմերը համաձայն են զարգացնելու Հայաստանի կարողությունները անվտանգության, դիմադրողականության և պաշտպանության ոլորտներում: Սակայն նշվում է, որ հռչակագիրը միջազգային պայմանագիր չէ և չի ենթադրում պարտադիր գործողություններ։

Հայաստանը և ԵՄ-ն նույնպես ստորագրեցին ոչ թե պայմանագիր, այլ հռչակագիր։ Ամենակոնկրետ կետը՝ «Գլոբալ դարպասներ» ռազմավարության ներքո նախատեսվում է, որ Հայաստանում ԵՄ ներդրումները կհասնեն 2,5 միլիարդ եվրոյի։

«Հայաստանը ողջունում է Հայկական ատոմային էլեկտրակայանի՝ շահագործումից դուրսբերման ճանապարհային 5 քարտեզի մշակման հարցում ԵՄ աջակցությունը՝ համաձայն Հայաստանի՝ մինչև 2040թ․ էներգետիկ ռազմավարության և ՀԸԳՀ-ով սահմանված համատեղ նպատակների», ասված է հռչակագրում։

Հայաստանի և Ֆրանսիայի համատեղ հռչակագրին զուգահեռ  Հայաստանի տարածքային կառավարման և ենթակառուցվածքների նախարար Դավիթ Խուդաթյանը ֆրանսիական մի քանի կազմակերպության հետ կնքել են «Հայաստանի Հանրապետությունում Բարգուշատի թունելի կառուցման ծրագրի վերաբերյալ» փոխըմբռնման հուշագիրը։

Մխիթար Հայրապետյանը և Ֆրանսիայի զինված ուժերի և վետերանների հարցերով լիազոր նախարար Ալիս Ռուֆոն փոխանակեցին Ռազմական տեխնոլոգիաների և պաշտպանական համակարգերի հետազոտության, զարգացման և նորարարության ոլորտում համագործակցության վերաբերյալ փոխըմբռնման հուշագիրը։

Կարեն Բրուտյանը և Արևելյան Եվրոպայի և Կովկասի գծով «ԷՅՐԲԱՍ» ընկերության նախագահի տեղակալ Լյուդովիկ Բուաստոն և նույն ընկերության Եվրոպայի գծով տնօրեն Սեսիլ Առնոն փոխանակեցին ՀՀ ՊՆ և «ԷՅՐԲԱՍ» ընկերության միջև տրանսպորտային ուղղաթիռների մատակարարման պայմանագիրը։