Ալիևը որոշել է բացել Վրաստանի հետ ուղևորատար երկաթուղային հաղորդակցությունը
- 21:41 18.05.2026
Թբիլիսին և Բաքուն մի շարք համաձայնագրեր են ստորագրել էներգետիկայի և տրանսպորտի ոլորտներում: Georgia Online-ի փոխանցմամբ՝ վեց տարվա ընդմիջումից հետո Թբիլիսիի և Բաքվի միջև ամենօրյա ուղևորատար երկաթուղային հաղորդակցությունը կվերսկսվի այս տարվա մայիսի 26-ին։
«Վրաստանն ու Ադրբեջանը նաև ստորագրել են երկկողմ համակարգող խորհրդի արձանագրություն, որը նախատեսում է Բաքու-Թբիլիսի-Կարս երկաթուղու նոր հատվածի լիարժեք շահագործման հանձնում», – ասվում է Վրաստանի կառավարության մամուլի ծառայության հայտարարության մեջ։
Ալիևը համավարակից ի վեր փակած է պահում սահմանները ուղևորների համար: Եթե Ադրբեջանի և Ռուսաստանի սահմանը ևս վերաբացվի, Ալիևը կարող է առաջարկել երկաթուղային կապ Հայաստանից Ռուսաստան՝ Վրաստանի և Ադրբեջանի միջոցով։