Ռուսաստանի ԱԳՆ-ը զգուշացրել է Կիևի վրա նոր հարվածների մասին

Ուկրաինայի զինված ուժերի կողմից Լուգանսկի մարզի Ստարոբիլսկի վրա հարվածը համբերության վերջին կաթիլն էր, և ռուսական ուժերը Կիևում ուկրաինական ռազմաարդյունաբերական օբյեկտների դեմ համակարգված հարվածների շարք են սկսում։ Այս մասին հայտարարել է Ռուսաստանի արտաքին գործերի նախարարությունը։

Նախարարությունը պոտենցիալ թիրախների թվում նշել է անօդաչու թռչող սարքերի նախագծման, արտադրության, ծրագրավորման և վարժանքների կոնկրետ վայրեր։ Հարվածները կուղղվեն նաև որոշումների կայացման կենտրոններին և հրամանատարական կետերին։

«Քանի որ վերոնշյալ օբյեկտները ցրված են Կիևում, մենք զգուշացնում ենք օտարերկրյա քաղաքացիներին, այդ թվում՝ դիվանագիտական ​​առաքելությունների և միջազգային կազմակերպությունների աշխատակիցներին, հնարավորինս շուտ լքել քաղաքը, իսկ Ուկրաինայի մայրաքաղաքի բնակիչներին՝ հեռու մնալ ռազմական և վարչական ենթակառուցվածքներից», – ասվում է հայտարարության մեջ։