Միանգամից մի քանի բողոքի ակցիաներ են ընթանում Երևանում՝ ՌԴ դեսպանատան, ՄԱԿ-ի մոտ և Փաշինյանի հրաժարականի պահանջով
- 21:57 19.09.2023
Մի քանի բողոքի ակցիաներ են ընթանում Երևանում:
Հանրապետության հրապարակում հազարավոր մարդիկ պահանջում են Փաշինյանի հրաժարականը: Գործողությունների ծրագիր հչապարակեց Հայաստան խմբակցության նախկին պատգամավոր Անդրանիկ Թևանյանը։ Ոստիկանները կիրառել են լուսաձայնային նռնակներ, իրավիճակը լարված է, կան տուժածներ։
Ակցիան տեղի է ունենում Նիկոլ Փաշինյանի նստավայրի մոտ։ Ազգային-ժողովրդական բևեռի ներկայացուցիչ Ժիրայր Սեֆիլյանը վերջնագիր է ներկայացրել Նիկոլ Փաշինյանին՝ կա՛մ 24 ժամվա ընթացքում հրաժարական տվեք, կա՛մ “մենք ինքներս դա կանենք”։
Բողոքի ակցիա է ընթանում Երեւանում ՌԴ դեսպանատան մոտ, ոստիկանների հետ արդեն բախումներ են եղել։
ՄԱԿ-ի գրասենյակի մոտ շարունակվում է մեկ այլ, ոչ այնքան բազմաթիվ ակցիա՝ գրասենյակի մուտքը փակած քաղաքացիները պահանջում են ՄԱԿ-ի խաղաղապահ զորքեր։