Բաքվի ճնշման ներքո հայկական ֆիլմերը դուրս են թողնվում միջազգային փառատոններից
- 20:59 19.12.2024
Երեւանի «Մոսկվա» կինոթատրոնում հրավիրված ասուլիսում գրող Հովհաննես Իշխանյանն ասաց.
«Այս աշնանը գրաքննության ենթարկվեցին երկու հայկական ֆիլմեր՝ Կատյա Սպիվակովայի «Այն ամենը, ինչ ինձ պետք է» (11 րոպեանոց գեղարվեստական ֆիլմ Շուշիի մասին – խմբ.), որը Ադրբեջանի ճնշման ներքո դուրս մնաց Մարոկկոյի «Իսնի Նուրղ» կինոփառատոնի ծրագրից։ Եւ Սարին Հայրապետյանի «Իմ քաղցր տունը» վավերագրական ֆիլմը (Լեռնային Ղարաբաղի մասին – խմբ.), որը Հորդանանը առաջադրվել է Օսկարի «Լավագույն ֆիլմ» անվանակարգում, իսկ հետո ինքնաբացարկ հայտնել»:
Ինչպես նշեց «Հայաքվե» հասարակական նախաձեռնության անդամ Մենուա Սողոմոնյանը, ադրբեջանական կողմն ակտիվորեն աշխատում է միջազգային կինոփառատոներում ներկայացված հայկական ֆիլմերի դեմ, իսկ Հայաստանի իրավասու մարմինները լռում են։
«Միջազգային փառատոների հայկական ֆիլմերը, հատկապես՝ Արցախին նվիրված ազգային թեմաներով, ադրբեջանական դիվանագիտության ջանքերով հետևողականորեն դուրս են մղվում կինոֆորումների ծրագրերից»,- ասաց Սողոմոնյանը։
Քանի որ Հայաստանի համապատասխան պետական կառույցները անգործության են մատնված, հասարակական և մշակութային ոլորտի ներկայացուցիչները մտադիր են նամակով դիմել ինչպես ՀՀ ԱԳՆ-ին, այնպես էլ միջազգային կինոփառատոների կազմակերպիչներին։