Հայաստանը չի՞ ուզում Իսրայելին հարցնել Լիբանանի և Պաղեստինի մասին
- 16:34 21.04.2026
Բելգիայի արտաքին գործերի նախարար Մաքսիմ Պրևոստը Իսրայելի գործողությունները Լիբանանում «լիովին անընդունելի» է հայտարարել և կոչ է արել առնվազն մասնակիորեն կասեցնել ԵՄ-Իսրայել Ասոցացման համաձայնագիրը, հաղորդում է Reuters-ը։
Իսրայելը Անկախության օրը կնշի ապրիլի 22-ին, իսկ մինչ այդ Իսրայելը «անաղմուկ» յուրացրել է ոչ միայն Գազան, այլև Լիբանանի մի մասը՝ հայտարարելով նաև Սիրիայի մի մասի նկատմամբ իր հավակնությունների մասին։ Կասկած չկա, որ իրադարձությունների ներկայիս ընթացքի դեպքում Իսրայելը կընդլայնի իր տարածքը, կլանելով Պաղեստինը, Լիբանանը և Սիրիան և դառնալով տարածաշրջանային գերտերություն։ Իրականում սա էր ԱՄՆ-Իսրայել Իրանի դեմ պատերազմի նպատակը՝ թուլացնել Թեհրանին այնքան, որ այն այլևս չկարողանա աջակցել Լիբանանի և Պաղեստինի ինքնիշխանությանը։
Իսրայելի տարածքային ընդլայնումը լիովին համապատասխանում է Արցախի «պիլոտային նախագծին», երբ Արցախն օկուպացվեց ամբողջ աշխարհի աչքի առաջ։ Դրանից հետո Հայաստանը ոչ միայն չդատապարտեց օկուպացիան և ցեղասպանությունը, այլև ստանձնեց դրանք օրինականացնելու պարտականությունը։ Հայաստանի կառավարությունը ձեռնամուխ է լինում ցեղասպանության և օկուպացիայի օրինականացման վերջին փուլին՝ ընդունելով նոր Սահմանադրություն և հրաժարվելով ազգային իրավունքներից, այդ թվում՝ Արցախի, Նախիջևանի, Կարսի և Արդահանի նկատմամբ։
Հայաստանը պատրաստ է ընդլայնել կապերը և ուսումնասիրել համագործակցության նոր հնարավորություններ Իսրայելի հետ։ Այս մասին ասվում է ՀՀ արտաքին գործերի նախարարության այսօրվա հայտարարության մեջ՝ Իսրայելի անկախության օրվա կապակցությամբ։
Արդյո՞ք Հայաստանը պատրաստ է հարցնել Իսրայելին իր տարածքը ընդլայնելու ուղիների մասին։