Թրամփը չեղարկել է Վիտկոֆի և Քուշների այցը Իսլամաբադ. Իրանի հետ բանակցություններ չեն նախատեսվում
- 20:15 25.04.2026
ԱՄՆ նախագահ Դոնալդ Թրամփը հայտարարել է, որ չեղարկել է հատուկ ներկայացուցիչ Սթիվ Վիտկոֆի և խորհրդական Ջարեդ Քուշների Պակիստան կատարվելիք այցը՝ Իրանի ներկայացուցիչների հետ բանակցությունների համար։
Թրամփն այս հայտարարությունն արել է Fox News-ին տված մեկնաբանության մեջ։
Նա ասել է, որ ԱՄՆ-ն պատրաստ է երկխոսության, բայց ժամանակ չի վատնի դատարկ խոսակցությունների վրա։
Իրանի արտաքին գործերի նախարար Աբբաս Արաքչին լքել է Իսլամաբադը՝ Պակիստանի բարձրաստիճան պաշտոնյաների հետ երկկողմ և տարածաշրջանային հարցեր քննարկելուց հետո, և մեկնել է Օման։
Իրանի որոշ առաջնորդներ կտրականապես դեմ են ԱՄՆ-ի խաղաղության պայմաններին, որոնք Իրանը անվանում է կապիտուլյացիա։ Իրանի խորհրդարանի խոսնակ Ղալիբաֆը, ըստ տեղեկությունների, հայտարարել է, որ չի մասնակցի բանակցություններին։