Թրամփ. Իրանի նավթային ենթակառուցվածքները կպայթեն երեք օրից
- 23:38 26.04.2026
ԱՄՆ նախագահ Դոնալդ Թրամփը պնդում է, որ Իրանի նավթային ենթակառուցվածքները կարող են լուրջ խնդիրների բախվել առաջիկա օրերին: Այս մասին նա ասել է Fox News-ին տված հարցազրույցում։
Ամերիկացի առաջնորդի խոսքով՝ նավթի փոխադրման համակարգը չի կարողանա դիմակայել բեռին և «կպայթի» երեք օրվա ընթացքում: Թրամփը բացատրել է, որ խնդիրը Իրանի սահմանափակ կարողություններն են՝ վերաբաշխելու նավթը. Մերձավոր Արևելքում հակամարտության պատճառով երկիրը չի կարող բավարար քանակությամբ հում նավթ մղել խողովակաշարերից դեպի պահեստարաններ կամ տանկերներ։
Միևնույն ժամանակ, իրանական պետական լրատվամիջոցները հաղորդում են, որ Իրանի արտաքին գործերի նախարար Աբբաս Արաղչին, պակիստանցի միջնորդների միջոցով, ԱՄՆ-ին է փոխանցել Իսլամական Հանրապետության «կարմիր գծերը»: Սրանք Վաշինգտոնի պահանջներն են, որոնց հետ Թեհրանը չի կարող համաձայնվել։
«Այս հաղորդագրությունները վերաբերում են Իրանի Իսլամական Հանրապետության որոշ «կարմիր գծերի», այդ թվում՝ միջուկային հարցերի և Հորմուզի նեղուցի», – հաղորդել է Իսլամական հեղափոխության պահապանների կորպուսին մոտ կանգնած Fars լրատվական գործակալությունը: Հայտարարության մեջ նաև նշվում է, որ փոխանցված հաղորդագրությունները «կապ չունեն բանակցությունների հետ» և «դիտարկվում են որպես Իրանի կողմից տարածաշրջանային իրավիճակը պարզաբանելու նախաձեռնություն»։