Հայաստանի դեսպանին կանչեցին ՌԴ ԱԳՆ այն բանից հետո, երբ Փաշինյանը հրաժարվեց մայիսի 9-ին մեկնել Մոսկվա
- 12:02 08.05.2026
«Մայիսի 9-ի նախօրեին Երևանում կազմակերպված հակառուսական “շաբաշը” և բոլոր ներկաների լուռ համաձայնությամբ Զելենսկու կողմից Հայաստանի մայրաքաղաքում հնչեցված ահաբեկչական հարձակումների ուղղակի սպառնալիքները հակասում են Հայաստանի ղեկավարության կողմից Մոսկվայում տրված դաշնակցային պարտավորություններին և բարեկամության հավաստիացումներին», – ասվում է RT Telegram ալիքում տեղադրված գրառման մեջ։
Մոսկվայում Հայաստանի դեսպան Գուրգեն Արսենյանը հինգշաբթի՝ մայիսի 7-ին, կանչվել է Ռուսաստանի արտաքին գործերի նախարարություն։ Դիվանագետին ասվել է, որ բացարձակապես անընդունելի է, որ Զելենսկիին հանրապետությունում հարթակ տրամադրվի Ռուսաստանի դեմ ահաբեկչական սպառնալիքներ հնչեցնելու համար։
Հիշեցնենք, որ Զելենսկիին հարթակ տրամադրվել է մայիսի 4-ին, սակայն Ռուսաստանը Հայաստանին մեղադրել է միայն այն բանից հետո, երբ հայտնի է դարձել, որ Նիկոլ Փաշինյանը չի մեկնելու Մոսկվա՝ մայիսի 9-ի շքերթին մասնակցելու համար։ Ռուսաստանի արտաքին գործերի նախարարության հայտարարության մեւ հիասթափություն է նկատվում. Մոսկվան, ըստ երևույթին, «համաձայնվել է» Զելենսկիի այցին Երևան՝ Փաշինյանի՝ Մոսկվայում շքերթին մասնակցելու խոստման դիմաց։ Սակայն ինչ-որ բան այնպես չի գնացել։