Անկարայում Բաքվի դեսպան. Թուրքիան չի բացի Հայաստանի հետ սահմանը մինչև ընտրությունները

Անկարայում Ադրբեջանի դեսպան Ռաշադ Մամադովը թուրքական լրատվամիջոցներին ասել է, որ Թուրքիայի և Հայաստանի միջև սահմանը կբացվի Երևանի և Բաքվի միջև խաղաղության պայմանագրի ստորագրումից հետո: Մինչ այդ, ըստ Մամեդովի, Հայաստանը հունիսի 7-ին կայանալիք խորհրդարանական ընտրություններից հետո հանրաքվեի միջոցով կփոփոխի իր Սահմանադրությունը:

Մինչև խորհրդարանական ընտրություններ Թուրքիայի հետ Հայաստանի սահմանի բացումը որոշ շրջանակներում ներկայացվեց որպես իշխող կուսակցության համար կարևոր բոնուս: Սակայն Բաքվի դեսպանը Անկարայում փաստացի ասում է, որ սահմանը չի կարող բացվի մինչև ընտրությունները և Հայաստանի Սահմանադրության փոփոխությունը:

Դեսպանը ճիշտ է. գործող սահմանը հաստատված է 1921 թվականի Կարսի անօրինական ռուս-թուրքական պայմանագրով, որը պարզ չէ՝ դեռևս ուժի մեջ է, թե չեղյալ է հայտարարվել: Սա, ըստ էության, ռուս-թուրքական սահմանն է, և նոր հայկական սահմանադրության ընդունման իմաստը՝ ռուս-թուրքական պայմանագրով սահմանված Հայաստանի սահմանների «կամավոր» օրինականացումն է: Հակառակ դեպքում Մոսկվան, Բաքուն և Անկարան չեն կարող դուրս գալ Կարսի պայմանագրից՝ առանց իրենց վնաս հասցնելու. Նախիջևանը, Կարսը և Արդահանը պետք է վերադարձվեն Հայաստանին, իսկ Ռուսաստանը ստիպված կլինի դուրս բերել 102-րդ ռազմաբազան և սահմանապահներին, որոնք դեռևս պահպանում են «նախկին խորհրդային սահմանները»։