Եւս մեկ սպանություն բանակում. կասկածյալը ձերբակալվել․ Քննչական կոմիտե

Հայաստանում զինծառայողի սպանության մեջ կասկածվողը ձերբակալվել է, սոցիալական ցանցերում հայտնել է Հայաստանի քննչական կոմիտեի մամուլի խոսնակ Կիմա Ավդալյանը։

Ավելի վաղ ՀՀ պաշտպանության նախարարությունը հայտնել էր զինծառայող Էդգար Գևորգյանի մահվան մասին։ Զինվորի մարմինը՝ հրազենային վերքով, հայտնաբերվել է օգոստոսի 23-ին։

«Պաշտպանության նախարարության զորամասերից մեկի զինծառայողի օգոստոսի 23-ին մահվան կապակցությամբ ՀՀ քննչական կոմիտեն քրեական գործ է հարուցել ՀՀ քրեական օրենսգրքի 155-րդ հոդվածի (սպանություն) 1-ին մասի համաձայն», – նշել է Ավդալյանը։

Լրատվամիջոցների հաղորդագրությունների համաձայն՝ մահացած զինծառայողը Երևանից էր։ Նա 22 տարեկան էր և ծառայում էր Վայքի զորամասում։

Սա զինծառայողի մահվան չորրորդ դեպքն է վերջին 10 օրվա ընթացքում։