Արցախցի երաժիշտների տրիումֆը «Թրիումֆ» փառատոնում
- 17:42 10.11.2026
Նոյեմբերի 7-ին Մոսկվայում՝ ավիացիոն ինստիտուտի մշակույթի պալատում, տեղի ունեցավ «Տրիումֆ» ստեղծագործական միավորման կողմից կազմակերպված «Մայրաքաղաքի ձայներն ու գույները» 22-րդ միջազգային երաժշտական-գեղարվեստական մրցույթ-փառատոնը։
Մասնակցում էին նաև Կոմիտասի անվան Ստեփանակերտի մշակույթի կենտրոնի երաժիշտները՝ Զարինե Բաբայանի գլխավորությամբ, որոնք նախկինում մեծ գովասանքի են արժանացել «Տրիումֆ» ստեղծագործական միավորման Սանկտ Պետերբուրգում և Սոչիում կայացած փառատոներին։
Այս անգամ արցախցի երաժիշտները տպավորիչ արդյունքների հասան։
Նրանք գրավեցին առաջին տեղը, այդ թվում՝ փառատոնի Գրան պրիի։
Արման Սաֆարյան, վոկալ՝ 1-ին տեղ։
Վիլեն Զաքարյան, ակորդեոն՝ 1-ին տեղ։
Միխայիլ Համբարձումով, ակորդեոն, նույնպես 1-ին տեղ։
Վլադիմիր Գալստյան, դաշնամուր՝ 1-ին տեղ և հատուկ մրցանակ։
Վոկալ-գործիքային անսամբլը, որը կազմված է մենակատարներ Արմինե Գասպարյանից և Լանա Գրիգորյանից, ինչպես նաև երաժիշտներ Դիանա Ասրյանից (դաշնամուր), Ինգա Սարգսյանից (քանոն), Մանուկ Հայրապետյանից (դուդուկ) և Պարգև Ահարոնյանից (դհոլ) (ղեկավար՝ Լուսինե Մարտիրոսյան), արժանացել է «Մայրաքաղաքի ձայներն ու գույները» փառատոնի Գրան պրի մրցանակին։
Հաջորդ օրը՝ նոյեմբերի 8-ին, արցախցի երաժիշտները մեծ գովասանքի արժանացան Արցախի ժողովրդական ակումբի առաջին հանդիպմանը, որը տեղի ունեցավ Հայ Առաքելական Եկեղեցու Ռուսաստանի և Նոր Նախիջևանի թեմի եկեղեցական համալիրի տարածքում գտնվող Տապան թանգարանում։
