ՀՀ ԱԺ ՔՊ խմբակցության ջանքերով Եվրանեսթ խորհրդարանական վեհաժողովի 12-րդ նստաշրջանում ընդունված բանաձեւում չներառվեց արցախցիների վերադարձի հարցը։

ՀՀ Ազգային ժողովում այս օրերին անցկացվում է Եվրանեսթ խորհրդարանական վեհաժողովի 12-րդ նստաշրջանը։ Այսօր ՔՊ խմբակցության պատգամավոր Մարիա Կարապետյանն ասաց, որ երեքշաբթի օրն ընդունվել է զեկույց «Արեւելյան գործընկերության ապագայի եւ ԵՄ ընդլայնման քաղաքականության ապագայի մասին՝ հանուն կայունության եւ խաղաղության տարածաշրջանում»։ Զեկույցում փոփոխություններ կատարելու նպատակով ներկայացվել էր 25 առաջարկ, դրանցից ընդունվել էր 24-ը: Ընդունված նախագիծը ներկայացվեց Եվրանեսթ ԽՎ-ում՝ որպես բանաձեւի միջնորդություն եւ քվերակությամբ ընդունվեց։

«Հայաստան» խմբակցության պատգամավոր Արթուր Խաչատրյանն այսօր նախքան քվեարկությունը հիշեցրեց իրենց առաջարկությունների մասին․ «Ես ցանկանում եմ հիշեցնել փոփոխության մասին, որը մենք եւ մեր գործընկերները դրել են սեղանի վրա, ձեւակերպումը վերցվել է Եվրախորհրդարանի բանաձեւերից։ Եվ շատ մեծ հույս ունեմ, որ տեղադիրքի փոփոխությունը չի փոխի մտադրությունը եւ մոտեցումները, որոնք ընդունվել են Եվրախորհրդարանի անդամների կողմից»։

ՔՊ-ական պատգամավոր Արման Եղոյանը մանրամասնեց, թե ինչ առաջարկների մասին է խոսքը․ «Փոփոխությունները, որոնց մասին պարոն Խաչատրյանը խոսում է, հետեւյալի մասին են՝ Ադրբեջանին պարտադրել անմիջապես ռազմագերիներին եւ այլ պահվող անձանց բաց թողնել։ Մենք դեմ չենք այս նախադասությանը»։

«Մյուս առաջարկը` երաշխավորել Լեռնային Ղարաբաղից բռնի կերպով տեղահանված անձանց՝ անվտանգ կերպով վերադարձn իրենց հայրենիք։ Հայաստանի կառավարությունը, պաշտոնատար անձինք, որոնք պատասխանատում են Հայաստանի արտաքին քաղաքականության համար, այս պահին չեն ներկայացնում նման պահանջ Ադրբեջանին»,- ասաց Եղոյանը։

Քվերակությունից հետո Արթուր Խաչատրյանը տեղեկացրեց․ «ՔՊ-ականները դեմ քվեարկեցին բռնի տեղահանված արցախցիների վերադարձի իրավունքը պահանջող բանաձեւին։ Երևանում անցկացվող Եվրանեսթի խորհրդարանական վեհաժողովի նստաշրջանում ՔՊ-ական պատգամավորները դեմ քվեարկեցին իմ, Աննա Գրիգորյանի, Էլինար Վարդանյանի, Հայկ Մամիջանյանի եւ Եվրախորհրդարանի երկու սոցիալիստ պատգամավորների հեղինակած առաջարկությանը (որպես ներկայացված զեկույցի փոփոխության առաջարկ), որով Ադրբեջանից պահանջվում էր միջազգային անվտանգային երաշխիքների ներքո ապահովել արցախցիների անվտանգ հավաքական վերադարձի իրավունքն իրենց բնօրրան: Տարբեր խմբակցությունների մեր եվրոպացի գործընկերների փոխանցմամբ, ՔՊ-ականները հորդորել էին եվրոպացիներին մեր փոփոխության առաջարկին կողմ չքվեարկել»։

Արթուր Խաչատրյանի խոսքով՝ ավելի շատ մարդ կողմ քվեարկեց, քան դեմ․ դեմ քվեարկեցին ՔՊ-ականները, իսկ եվրոպացի պատգամավորները հիմնականում ձեռնպահ քվեարկեցին։ Բայց 50 տոկոսի շեմը չհաղթահարվեց։

ԱՄՆ նախագահ Դոնալդ Թրամփը և Չինաստանի նախագահ Սի Ցզինպինը երկկողմ հանդիպում են ունեցել Հարավային Կորեայի Բուսան քաղաքում, որը Թրամփի երկրորդ ժամկետի մեկնարկից ի վեր առաջինն էր։

Հանդիպումը տևել է մեկ ժամ 40 րոպե՝ ավելի երկար, քան ԱՄՆ նախագահը նախատեսել էր։ Դրանից անմիջապես հետո հայտարարություններ չեն արվել։

Հանդիպումից առաջ Թրամփը Սիին անվանել է «երկարատև ընկեր» և «մեծ երկրի մեծ առաջնորդ»։ Նա հույս է հայտնել, որ ԱՄՆ-ն և Չինաստանը կզարգացնեն «երկարաժամկետ ֆանտաստիկ հարաբերություններ»։

«Մենք որոշ քննարկումներ կունենանք։ Կարծում եմ՝ մենք արդեն շատ բաների շուրջ համաձայնության ենք եկել, և հիմա ավելի շատ բաների շուրջ կհամաձայնեցնենք», – ասել է ԱՄՆ նախագահը։

«Բնական է, որ աշխարհի երկու խոշորագույն տնտեսությունների միջև ժամանակ առ ժամանակ հակասություններ են առաջանում», – ասել է Սի Ցզինպինը, նշելով, որ «Չինաստանը և ԱՄՆ-ն պետք է լինեն գործընկերներ և ընկերներ»։ «Ես միշտ կարծում եմ, որ Չինաստանի զարգացումը համընթաց է Ամերիկան ​​կրկին մեծ դարձնելու ձեր տեսլականին», – շարունակել է Սին։

Նա հավելեց, որ ԱՄՆ-ի և Չինաստանի պատվիրակությունները վերջերս բանակցություններ են վարել տնտեսական և առևտրային հարցերի շուրջ: «Նրանք հիմնարար համաձայնության են հասել մեր հիմնական խնդիրների լուծման հարցում», – ասաց Չինաստանի նախագահը։

Սի Ցզինպինը շնորհակալություն հայտնեց Թրամփին Գազայում հրադադարի և Թաիլանդի ու Կամբոջայի միջև հակամարտության կարգավորման գործում ունեցած ներդրման համար: Սին հավելեց, որ Պեկինը ևս խաղաղություն է փնտրում աշխարհի տարբեր տարածաշրջաններում։

ԱՄՆ նախագահ Դոնալդ Թրամփը և Չինաստանի նախագահ Սի Ցզինպինը ավարտեցին իրենց հանդիպումը, որը «հրաշալի» էր՝ մի շարք «ակնառու» որոշումներ կայացնելով, ասաց ամերիկացի նախագահը Air Force One-ում Հարավային Կորեայից մեկնելուց հետո, որտեղ տեղի ունեցան բանակցությունները։

«Ինչպես գիտեք, ես 20 տոկոս մաքսատուրք էի սահմանել Չինաստանից ներմուծվող ապրանքների վրա՝ ֆենտանիլի պատճառով: Դա մեծ մաքսատուրք է: <…> Ես այն կրճատել եմ 10 տոկոսով», – ասաց Թրամփը: Նա ասաց, որ Պեկինը կաշխատի կանխել նարկոդեղամիջոցի հոսքը: Նա պարզաբանեց, որ Չինաստանի համար մաքսատուրքերը ներկայումս կազմում են 47%:

Ավելին, նախագահը ասաց. «Սոյայի և այլ գյուղատնտեսական ապրանքների հսկայական քանակություն կգնվի անմիջապես, հենց հիմա»:

Թրամփը նշել է, որ ապրիլին նախատեսում է այցելել Չինաստան, և որ Սին կարող է այցելել Միացյալ Նահանգներ դրանից հետո։

Չինաստանի զարգացումն ու վերածնունդը «ձեռք ձեռքի» են գնում ԱՄՆ նախագահ Դոնալդ Թրամփի՝ «Ամերիկան ​​կրկին մեծ դարձնելու» նպատակի հետ, ըստ «Սինհուա»-ի՝ Հարավային Կորեայում հանրապետական ​​թեկնածուի հետ հանդիպման ժամանակ ասել է Սին։

Չինաստանը և Միացյալ Նահանգները պետք է լինեն գործընկերներ և ընկերներ. նրանք կարող են օգնել միմյանց զարգանալ և «միասին բարգավաճել», կարծում է Չինաստանի առաջնորդը։

«Ես պատրաստ եմ շարունակել աշխատել նախագահ Թրամփի հետ՝ Չինաստան-ԱՄՆ հարաբերությունների համար ամուր հիմք դնելու և մեր զարգացման համար բարենպաստ պայմաններ ստեղծելու համար», – ասել է նա։

Սի Ցզինպինը ընդգծել է, որ Թրամփի ընտրությունից ի վեր նրանք երեք անգամ հեռախոսազրույց են ունեցել, բազմաթիվ անգամ նամակներ են փոխանակել և սերտ կապ են պահպանել։

Անցյալ շաբաթ Չինաստանի փոխվարչապետ Հե Լիֆենգը Կուալա Լումպուրում հանդիպել է ԱՄՆ ֆինանսների նախարար Սքոթ Բեսենթի և ԱՄՆ առևտրային ներկայացուցիչ Ջեյմիսոն Գրիրի հետ։

Մալայզիայի մայրաքաղաքում երկօրյա բանակցություններից հետո Չինաստանի և Միացյալ Նահանգների պատվիրակությունները «հիմնական կոնսենսուսի» են հասել առևտրային և տնտեսական հարցերը լուծելու համաձայնագրերի վերաբերյալ։

ԱՄՆ նախագահ Դոնալդ Թրամփը հայտարարել է, որ Ռուսաստանի նախագահ Վլադիմիր Պուտինը զանգահարել է իրեն Ադրբեջանի և Հայաստանի միջև խաղաղության ձեռքբերումից հետո։

«Պուտինը զանգահարեց ինձ ու ասաց՝ սա զարմանալի է։ Ասաց, որ իրենք չեն կարողացել կանգնեցել պատերազմը»,- հայտարարել է Դոնալդ Թրամփը։

ԱՄՆ նախագահը, փաստորեն, ասում է, որ Պուտինը լիովին սատարում է Վաշինգտոնի միջնորդությամբ Երևանի և Բաքվի խաղաղությանը, և Թրամփն արել է այն, ինչ ցանկանում էր Պուտինը։

«ԱՄՆ-ը հանձնառու է իրագործել օգոստոսի 8-ին Վաշինգտոնում ստորագրված պատմական հռչակագրերն ու փոխըմբռնման հուշագրերը», – փոխանցել են այսօր Պետդեպից՝ ողջունելով Ադրբեջանի և Հայաստանի միջև ընթացող վերջին բովանդակային երկխոսությունը և գործնական քայլերը՝ սահմանազատման, ականազերծման և TRIPP-ի աջակցության համար ենթակառուցվածքների զարգացման վերաբերյալ։

Երևանում այսօր անցկացվող Եվրանեսթ խորհրդարանական վեհաժողովի 12-րդ լիագումար նիստի մասնակիցներին ուղերձ է հղել Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Կայա Կալասը։

«Վաշինգտոնում օգոստոսի 8-ին արված պատմական քայլը տարածաշրջանը բերել է ավելի մոտ կայունությանը և երկարաժամկետ խաղաղությանը։ Մենք աջակցում ենք Հայաստանի և Ադրբեջանի հարաբերությունների կարգավորման գործընթացին և ցուցաբերում բաց աջակցություն»,- ասված է ուղերձում։

Վաշինգտոնյան համաձայնությունները ողջունել է ամբողջ աշխարհը, նաև Հայաստանի և Ադրբեջանի իշխանությունները։ Ոչ Հայաստանի ընդդիմությունը, ոչ Արցախի ներկայացուցիչները հանդեց չեն եկել այդ “խաղաղության” դեմ, նկատելով միայն մասնավոր բացթողումներ։

Բոլորը միայն կողմ են, բայց արի ու տես՝ “խաղաղության պայմանագիրը” չի ստորագրվի առնվազն մինչև մյուս տարվա ամառ, երբ Հայաստանում կլինեն ընտրություններ, իսկ հետո՝ նոր Սահմանադրության ընդունում և նոր Հանրապետության հռչակում։

Ինչպե՞ս է ստացվում, որ բոլորը կողմ են, դեմ չկա, բայց խաղաղություն չի ստացվում։ Այլ կերպ չէր կարող լինել, քանի որ խաղաղությունը կեղծ է, անբնական է, այն հակասում է Հայկական լեռնաշխարհի բնիկ ժողովրդի իրավունքներին և շահերին։ Այն հակասում է Հայաստանի Հանրապետության Սահմանադրությանը, միջազգային օրենքներին, ինքնորոշմանը, ազատ կամարտահայտությանը, Աստծո կանոններին։ Այդ խաղաղությունը ունի չափազանց բարձր գին՝ Հայաստանի արցախյան սրտի կորուստ։ Այն դեռ բաբախում է։

Պատահական չէ, որ Թրամփն ամեն անգամ ասում է, որ խաղաղություն է բերել Ադրբեջանին, չհիշատակելով Հայաստանը։ Նա շատ լավ հասկաանում է, որ Հայաստանի համար այս “խաղաղությունը” անմարսելի է և մահացու կարող է լինել։