Արցախցիների նկատմամբ ատելությունը ուղղված չէ Արցախի ժողովրդի դեմ, որը ահավոր ցավ է ապրում, բայց միայն ուժեղացնում։ Այն ուղղված է Հայաստանի ժողովրդի դեմ, որը անողոք թունավորված է նյարդա-կաթվածահար քարոզչությամբ և արդեն ընկղմվել է այնպիսի փսիխոզի, որը թույլ չի տալիս սթափ գնահատել իրավիճակը։

«Մեղադրեք ղարաբաղցիներին, որպեսզի մեզ չմեղադրեք» քաղտեխնոլոգիան, որը մշակվել է ինչ-որ մութ գրասենյակներում, ուղղված է “մայրցամաքային” Հայաստանի քաղաքացիներին հոգևորապես սպանելուն՝ չկայացած քաղաքացիական կյանքի համար արդարացի զայրույթն ուղղելով ոչ թե իրենց, ոչ թե կառավարության, ոչ թե արտաքին թշնամու, այլ այն մարդկանց խմբի վրա, որոնց կարելի է մեղադրել և վիրավորել, չվախենալով պատասխանատվությունից։

Թունավորված բնակչության շրջանում ընտրությունները վերածվել են ոչ թե գաղափարական պայքարի, այլ արցախցիների վրա անգիտակից հարձակումների։ Դրանք երբեմն հանգեցնում են տհաճ, անարժան հակամարտությունների առօրյա մակարդակում, որոնց համար մարդիկ հետո ամաչում են։ Նրանցից յուրաքանչյուրը, արցախցիների հանդեպ ևս մեկ «հաղթական» մարտից տուն վերադառնալով, «արյունը» լվանալուց հետո, հավանաբար, ինքն իրեն հարցնում է. «Իսկ ի՞նչ են արել ինձ այս մարդիկ»։ Բայց հետո, վախենալով մեղադրել ինքն իրեն, կրկին սկսում է քլնգել Ղարաբաղի ժողովրդին։

Արցախցիները փորձում են խուսափել վեճերից, բայց երբեմն դա հնարավոր չէ։ Երբեմն չի ստացվում մարդուն բացատրել, որ նա թունավորված է, և իր լյարդը, որն արդեն փտում է թույնից, կտանջի ողջ կյանքի ընթացքում հենց իրեն, այլ ոչ թե իր «ատելության» առարկային՝ ղարաբաղցիներին։ Արցախի ժողովուրդը այս կեղտոտ պայքարից դուրս կգա ավելի մաքուր և ուժեղ։

Իշխող կուսակցության առաջնորդը պարբերաբար թմրադեղ է ներարկում արդեն թունավորված բնակչությանը՝ առաջացնելով անմարդկային ատելության նոր նոպաներ, որոնք գիշերը սրտխառնոց և լոմկա են առաջացնում։ Բայց առավոտյան նոր դեղաչափ է հասնում. «Ինչո՞ւ փախաք։ Մենք կվերցնենք ձեր գեներալների բնակարանները, ներկայացուցչության շենքը և կտանք այն ադրբեջանական թատրոնին։ Մենք չենք համարի արցախցիներին Հայաստանի քաղաքացի և թույլ չենք տա մասնակցել ընտրություններին»։ Եվ մի անգամ՝ ուղիղ ճակատին՝ «Ինչո՞ւ չզոհվեցիք։ Ինչո՞ւ եք ողջ»։ Ոչ թե՝ ինչու չպաշտպանեցիք ձեր հողը, քանի՞ տանկ խփեցիք և որքան հող զիջեցիք, այլ ինչու եք ողջ։

Նոր դեղաչափ (իսկ որոշները դեպքում՝ կոկիկ գումար) ստանալուց հետո էունավորված մարդիկ մտնում են Ֆեյսբուք, բեսեդկաներ, խանութներ և ավտոբուսներ՝ թույնի հերթական դեղաչափը թափելու համար։

Առանց այս թույնի իշխող կուսակցությունը չէր կարողանա խուսափել դժվար հարցերից. չէ՞ որ չես կարող բոլորին բանտ նստեցնել, ինչպես Արթուր Օսիպյանին, կոնկրետ հարցից հետո․ «ո՞ր փաստաթղթերի հիման վրա է Փաշինյանը ճանաչել Արցախը որպես Ադրբեջանի մաս» և ինչու՞ 2020 թվականի գարնանը նա այդքան համառորեն պնդում էր, որ Արայիկ Հարությունյանը դառնա Արցախի նախագահ։

Բայց ընտրությունները մի օր կավարտվեն, դեղի մատակարարումները կդադարեն, և հազարավոր մարդիկ հանկարծ կհասկանան, որ անհույս թունավորված են, որ հողը սահում է իրենց ոտքերի տակից, բայց նրանք արդեն թունավորված են և չեն կարող տեսնել իրականությունը սեփական շահերի տեսանկյունից, այլ ոչ թե բառըգաների։

Լուսանկար՝ 2023 թվականի հուլիսի 30, Ստեփանակերտ

Իսրայելի պաշտպանության ուժերի զորքերը գրավել են 12-րդ դարի խաչակրաց ամրոցը հարավային Լիբանանում՝ «Հեզբոլլահ» արմատական ​​իսլամիստական ​​շարժման դեմ ցամաքային գործողության շրջանակներում: Այս մասին կիրակի՝ մայիսի 31-ին, հայտարարել է Իսրայելի պաշտպանության նախարար Իսրայել Կացը։

Նա հիշեցրել է, որ ԻՊՈւ-ն նախկինում գրավել է ամրոցը 1982 թվականի Լիբանանի պատերազմի ժամանակ։

AFP-ն հաղորդում է, որ իսրայելական զինվորականները Բոֆորտը որպես ամրոց օգտագործել են մինչև 2000 թվականին Լիբանանից դուրս գալը: Կացը ներկայիս գործողությունը բացատրում է որպես անհրաժեշտություն հյուսիսային Իսրայելի բնակավայրերը պաշտպանելու և իր զորքերի անվտանգությունն ապահովելու համար: «Վարչապետ Նեթանյահուի և իմ ղեկավարությամբ ԻՊՈւ-ն ընդլայնել է իր արշավը Լիբանանում, անցել Լիտանի գետը և գրավել Բոֆորտ լեռնաշղթան», – Telegram-ում գրել է Կացը: Նա հավելել է, որ արշավանքը դեռ չի ավարտվել:

Իր ելույթում Իսրայելի բանակի խոսնակը նաև մեղադրեց իսլամիստներին հրադադարի ռեժիմը խախտելու և Իսրայելի թիկունքին հարվածելու մեջ։

Լիբանանի վարչապետ Նավաֆ Սալամը մեղադրեց իսրայելական զինվորականներին «այրված հողի» մարտավարություն և կոլեկտիվ պատիժ կիրառելու մեջ։ Նա զգուշացրեց, որ երկիրը բախվում է հակամարտության «վտանգավոր» սրման և կոչ արեց «արագ և իրական հրադադարի»։

Լիբանանցի քաղաքական գործիչը կարծում է, որ Իսրայելի պաշտպանության բանակի գործողությունները չեն օգնի ապահովել Իսրայելի անվտանգությունը, բայց այնուամենայնիվ նա պաշտպանեց հրեական պետության հետ բանակցությունների շարունակությունը։ Սակայն նա ասաց, որ դրանց արդյունքը «երաշխավորված չէ»։

Ղազախստանը պատրաստակամություն է հայտնել պահեստավորման ընդունել Իրանի հարստացված ուրանի պաշարները, եթե Միացյալ Նահանգներն ու Իրանը համաձայնության հասնեն Թեհրանի միջուկային ծրագրի շուրջ, ըստ Financial Times-ի, հայտնել է Ատոմային Էներգիայի միջազգային գործակալության ղեկավար Ռաֆայել Գրոսսին։

Խոսքը Իրանի՝ մինչև 60 տոկոս հարստացված 440 կիլոգրամ ուրանի մասին է։ Փորձագետների գնահատմամբ՝ եթե այն հետագայում հարստացվի մինչև 90 տոկոս, այդ ծավալը կարող է բավարարել մոտ տասը միջուկային մարտագլխիկի արտադրության համար։

Ղազախստանը փորձում է իր վրա վերցնել Կենտրոնական Ասիայի առաջնորդի դերը, ներկայանաով նաև որպես քաչվոր հսկա քաղաքակրթության ժառանգ և առաջնորդ։ Ղազախստանը չի զիջում Ռուսաստանին առաջնորդությունը Եվրասիայում, իսկ Թուրքիային՝ թյուրքական աշխարհում։

Հիշեցնենք, որ հենց Ղազախստանն է առաջարկել իրեն փոխանցել Հայաստանի երկաթուղիների հանդեպ Ռուսաստանի կոնցեսիայի իրավունքը։

Իրանի ուրանը պահեստավորելու պատրաստակամության մասին Ղազախստանը հայտարարել է Աստանայում Եվրասիական միաության Բարձրագույն խորհրդի նիստից հետո, որի հիմնական թեման էր Հայաստանին  Եվրասիական միությունից վտարելը։ Հայաստանը խորթ տարր է Եվրասիական միությունում, հատկապես Իրան-ԱՄՆ հնարավոր գործարքի ֆոնին, որը կարող է բերել Իրան-Հայաստան-Վրաստան-Եվրոպա միջանցքի բացմանը և ռուս-թուրքական “Թրամփի ճանապարհի” արժեզրկմանը։

Ղազախստանը ձիով քայլ է անում, փորձելով վերահսկել իրանյան ուրանը, մյուս կողմից էլ ջանալով տիրանալ Հայաստանի երկաթուղիներին։