Լիաննա Պետրոսյան․ Կառավարությունը ներկայացրել է Բնակապահովման ծրագրի փոփոխության նախագիծ
- 18:15 13.01.2025
Հասարակական գործիչ Լիաննա Պետրոսյանը գրում է.
ՀՀ Կառավարության կողմից հանրային քննարկման է ներկայացվել Բնակապահովման ծրագրի փոփոխությունների հերթական նախագիծը, որն այս պահին վերաբերելի է տեղահանվածների միայն 30 տոկոսին՝ մինչեւ 15 տոկոս ավելացմամբ՝ ներքին տեղաշարժի արդյունքում։
Նախագծով սահմանվում է 4 մլն ՀՀ դրամ սահմանաչափով բնակավայրերի նոր ցանկ, որում ներառված են 39 համայնքների 443 բնակավայրեր՝ նախկին 22 համայնքների 148 բնակավայրերի փոխարեն։
Ըստ առաջարկվող փոփոխությունների՝ 4 մլն դրամ սահմանաչափով բնակավայրերի ցանկում ավելացվել են այնպիսի քաղաքներ՝ հարակից բնակավայրերով, ինչպիսիք են՝ Գյումրի, Վանաձոր, Իջևան, Դիլիջան, Ստեփանավան, Հրազդան, Սևան, Մարտունի, Ջերմուկ, Եղեգնաձոր, Սպիտակ, Ալավերդի, Թալին, Տաշիր, Արթիկ, Գավառ, Մարալիկ, Թումանյան։