Կաթնամթերքի գները Հայաստանում հոկտեմբերի 1-ից աճել են։ Մարդիկ դժգոհ են, բայց դեռ գնումեն
- 15:45 02.10.2025
«Զովք» մանրածախ առևտրի ցանցում նշում են, որ յուրաքանչյուր ընկերություն գները բարձրացրել է իր հայեցողությամբ: Ամենաշատ վաճառվող ապրանքը՝ «Մարիաննան», բարձրացրել է գները 20 կամ 50 դրամով: Մյուս ընկերությունները բարձրացրել են գները 100 կամ ավելի դրամով։
Նշենք, որ նույնիսկ հոկտեմբերի 1-ից առաջ վաճառքի հանված կաթնամթերքն է թանկացել։
Ցանցի վաճառողը վստահեցնում է, որ մարդիկ դժգոհ են, հատկապես տարեցները, բայց նրանք շարունակում են գնել կաթնամթերքը, քանի որ դա համարում է կենսականորեն կարևոր սննդամթերք։
«Ազգային առաջընթաց» կուսակցության անդամ Հովսեփ Կուբատյանը նշում է, որ գների աճը շատ ավելի զգալի է, քանի որ ձեռնարկատերերը QR կոդեր ստանալու համար վճարում են 4.2 դրամ, իսկ տպագրության համար՝ 2.2 դրամ: Նրա խոսքով՝ ձեռնարկատերերը QR կոդերի համար վճարում են մասնավոր ընկերությանը, որը հայտարարվել է ազգային օպերատոր և օրենքով մենաշնորհ է։
Ալվարդ Գրիգորյան