Ինչի՞ համար են Գյումրու քաղաքապետին ձերբակալել՝ ռուսամետությա՞ն, թե՞ կոռուպցիայի
- 22:35 20.10.2025
“Հայաստանում շարունակվում է կոռուպցիայի դեմ լայնածավալ արշավը, որը հանգեցրել է երկրի երկրորդ խոշորագույն քաղաքի՝ Շիրակի քաղաքապետի ձերբակալությանը: Ռուսաստանի հետ միութենական պետություն ստեղծելու կոչ անող Վարդան Ղուկասյանը այժմ մեղադրվում է կաշառակերության և լիազորությունների չարաշահման համար”։
Նմամ տեղեկություններ են հայտնվել հատկապես ուկրաինական և ադրբեջանական լրատվամիջոցներում, որոնք, թաքնվելով “հակառուսականության” տակ, արդարացնում են Հայաստանում ներքին կայունությունը խաթարող Փաշինյանի ցանկացած քայլ։
Եթե Փաշինյանն ասում է՝ հոգևորականները «ագենտ են», ինչու այ՛դ հիմքով չի ձերբակալում․ վախենո՞ւմ է ՌԴ-ից, Factor-ի եթերում ասում է Փաշինյանի նախկին խորհրդական Արսեն Խառատյանը։
Իշխանամետ ուժերը Հայաստանում ևս շեշտում են Գյումրիի կոմունիստ-քաղաքապետ Վարդան Ղուկասյանի Միութենկան պետությանը միանալու մասին խոսքերը։ Գագիկ Մելքոնայնը նույնիս որոշել է, որ Ղուկասյանը իրաունք չունի Հայաստանում ապրել։
Իսկ ՀԷՑ-ը սեփականաշնորհող Ռոմանոս Պետրոսյանը չի թաքցնում, որ ամեն ինչ կապված է անցած ընտրությունների հետ․ “Գյումրիում «կոնսենսուս – 1» ձևաչափի անփառունակ վախճանի ականատեսն ենք”։ Ասել կուզի՝ դա այլևս չի կրկնվի, ընդդիմությունը չի հաղթի․ Փարաքարի սպանված քաղաքապետն ու Վարդան Ղուկասյանը վկա։
Մի քանի օր առաջ Վարդան Ղուկասյանը ասել է, որ ինքը հայամետ է և եթե հանդիպի Պուտինին, կհարցնի՝ թե ինչ եղավ Նախիջևանի հետ։
Ուկրաինական և ադրբեջանական լրատվամիջողները դրա մասին չգրեցին։ Սակայն, գուցե, հենց Նախիջևանն է դարձել Ղուկասյանի ձերբակալության պատճառ՝ արդեն Ռուաստանի “դաբրո”-ով։
Գյումրին սակրալ քաղաք է Հայաստանում, ցավոք, ոչ միայն գյումրեցու թասիբի և շնորհքի պատճառով։ Քաղաքաը համարյա Թուրքիայի հետ սահմանին է գտնվում, Գյումրում տեղակայված է ռուսական բազա, և ոչ ոք չի հաշվել, քանի գյումրեցի ունի ռուսական անձնագիր։ Ցանկացած անկարգություն կարող է զինված ներխուժման առիթ դառնալ։ Եւ տպավորությունն այնպիսին է, որ հենց այս սցենարն են սադրում բոլոր “շահագռգիր” կողմերը։