Ինչո՞ւ քայլեր չեն ձեռնարկվում, երբ արդբեջանցիները «Շիկահող» պետական արգելոցում ծառեր են հատում
- 22:27 15.01.2026
«Ես երբեք ծառերի հատման մասին տեղեկատվություն չեմ ստացել, եւ եթե նման տեղեկատվություն լինի, որ Հայաստանի ինքնիշխան տարածքում ծառեր են հատվում կամ էկոլոգիական աղետ է տեղի ունենում, բնականաբար, մենք դրան չենք կարող որեւէ ձեւով չարձագանքել»,- այսօր լրագրողներին ասաց Նիկոլ Փաշինյանը՝ պատասխանելով հարցին, թե ինչո՞ւ քայլեր չեն ձեռնարկվում, երբ արդբեջանցիները «Շիկահող» պետական արգելոցում ծառեր են հատում։
Ավելի վաղ Կապան համայնքի ղեկավար Գեւորգ Փարսյանն էր տեղեկացրել, որ ադրբեջանցիները Շիկահողի արգելոցում մեծ ծավալի հատումներ են արել։ Իսկ «Հետքը» պարզել էր, որ Հայաստանի Սյունիքի մարզում՝ Շիկահողի արգելոցի տարածքում, ադրբեջանական դիրքերի, ամրաշինական աշխատանքների եւ ճանապարհների բացման համար մոտ 60 հա անտառ է հատվել։