Ամանորյա նվերներ Ք․ Քոքսի անվան վերականգնողական կենտրոնի փոքրիկ շահառուներին
- 23:16 17.01.2026
Ադվենտիստական զարգացման եւ օգնության կազմակերպությունը Ք.Քոքսի անվան վերականգնողական կենտրոնի տնային այցելության ծրագրի շրջանակներում ընդգրկված շահառու երեխաներին նվիրաբերեց ամանորյա նվերներ:
ՙՙՆվերները նախատեսված էին տարիքային շեմի շրջանակում գտնվող երեխաների համար, և մեր տնային այցերի պատասխանատու թիմի կողմից, այցելությունների ընթացքում, անձամբ փոխանցվեցին յուրաքանչյուր երեխայի՝ ապահովելով ջերմ, հոգատար և անհատական մոտեցում։
Այս նախաձեռնությունը ոչ միայն պարգևեց տոնական տրամադրություն և ուրախություն, այլև դարձավ ուշադրության, սիրո և աջակցության գեղեցիկ դրսևորում՝ հիշեցնելով երեխաներին, որ նրանք մշտապես գտնվում են հոգատար մարդկանց ուշադրության կենտրոնում։
Շնորհակալ ենք ԱԶՕԿ- “Ադվենտիստական զարգացման եւ օգնության ” կազմակերպությանը՝ մեր շահառու երեխաների ամանորյա օրերը լուսավոր ու հիշարժան դարձնելու համար։՚՚
Հիշեցնենք, որ 2023 թվականի տեղահանությունից որոշ ժամանակ անց Ստեփանակերտի Քերոլայն Քոքսի անվան վերականգնողական կենտրոնի թիմը հիմնադրեց համանուն հասարակական կազմակերպություն ու վերսկսեց իր գործունեությունը Հայաստանի տարածքում։ Կենտրոնի մասնագետները իրականացնում է տնային այցեր՝ շահառուներին տրամադրելով բժշկական պարագաներ և անհրաժեշտ խորհրդատվություն:
Արսեն Աղաջանյան
