Ի շնորհիվ ՀՀ և Արցախի ԱՆ համագործակցության վերականգնվումեն կարևոր փաստաթղթեր
- 16:05 12.12.2025
2023-ի սեպտեմբերին Արցախի տեղահանությունից հետո բազմաթիվ արցախցիներ Հայաստանում առերեսվում են փաստաթղթերի վերականգնման խնդրին։ Ծննդյան, մահվան, ամուսնության վկայական վերականգնելու համար դիմում են Քաղաքացիական կացության ակտերի գրանցման գործակալություն։ Եթե այնտեղ չի ստացվում խնդիրը լուծել, դիմում են նոտարի, այնուհետև՝ դատարան։ Մարդկանց մոտ մեծ մասամբ բացակայում է իրենց ինքնության կարևոր ապացույցը՝ ծննդյան վկայականը, որի վերականգնումը առաջին քայլն է դեպի լիարժեք իրավական պաշտպանություն:
Փաստաթղթերի վերականգնումը կարևոր է առանձնապես քաղաքացիություն ստանալու համար, իսկ առանց քաղաքացիության արցախցիները չեն կարող դիմել կառավարության նախաձեռնած՝ Արցախից տեղահանվածների բնակարանային ապահովման ծրագրին։
Արցախցի երիտասարդ իրավաբան, արցախցիների խնդիրները բարձրաձայնող Ժորա Հայրապետյանն ասում է․
-Հայաստան տեղափոխվելուց հետո մեր հայրենակիցների առաջին քայլն էր վերականգնել կորցված ՔԿԱԳ փաստաթղթերը։ Այդ հարցում տեղահանվածներին աջակցում է ՀՀ ԱՆ ՔԿԱԳ գործակալությունը՝ ի դեմս գործակալության պետ Մարինե Յայլախանյանի: Արցախի արդարադատության նախարարության ՔԿԱԳ գործակալության պետ Լիանա Միրզոյանի և ՀՀ արդարադատության նախարարության ՔԿԱԳ գործակալության մինչև համագործակցության արդյուքնում է, որ Արցախի ՔԿԱԳ արխիվային գրանցամատյանների մի մասը տեղափոխվել է Հայաստան: Տեղահանված արցախցիները տեղահանությունից անմիջապես հետո բազմաթիվ դիմումներ են ներկայացրել ՔԿԱԳ գործակալություն: Գործակալությունը քաղաքացիական կացության գրանցման ոլորտը կարգավորող օրենսդրության շրջանակներում վերականգնում է տեղահանված անձնանց վերաբերյալ նախկինում գրանցված գրանցումները, տրամադրում վկայականներ և տեղեկանքներ: Առանձնահատուկ շնորհակալություն ենք հայտնում գործակալության պետ տիկին Մարինե Յայլախանյանին և գործակալության աշխատակազմին ցուցաբերած բարձր մարդկային արժանիքների, տեղահանված անձնանց կողքին լինելու համար։ Նրանց համառ աշխատանքի շնորհիվ է, որ այսօր տեղահանված քաղաքացիները վերակագնում են ծննդյան, ամուսնության և այլ վկայականներ:
Ճիշտ է, փաստաթղթերի վերակագնումը կապված են գումարային վճարումների հետ, ինչը մեծ դժվարություն է նյութական ծանր վիճակում հայտնված տեղահանվածների համար, սակայն, երբ դրսևորվում է մարդկային բարյացակամություն պատկան մարմինների կողմից, այդ դժվարություններն այնքան էլ ծանր չեն թվում մարդկանց։
Կարինե ԲԱԽՇԻՅԱՆ