Իլհամ Ալիևի անվտանգության աշխատակիցները բռնի կերպով ցրել են Վաշինգտոնում ադրբեջանական բողոքի ցույցը։ Ալիևի ռեժիմի դեմ ցուցարարների ծեծի տեսագրությունը տարածվել է ընդդիմադիր «Ազադլիգ» թերթի Ֆեյսբուքյան էջում։

Սակայն սա Ալիևի միակ արկածը չէր Վաշինգտոնում։ Այն բանից հետո, երբ Դոնալդ Թրամփը «Խաղաղության խորհրդի» առաջին նիստում հայտարարեց, որ ինը երկրներ, այդ թվում՝ Ադրբեջանը, համաձայնել են 7 միլիարդ դոլար նվիրաբերել Գազայի վերականգնման հիմնադրամին, Ալիևի օգնական Հիքմեթ Հաջիևը «պարզաբանեց», որ Ադրբեջանը որևէ բան նվիրաբերելու մտադրություն չունի։

Նրա խոսքով՝ Ադրբեջանը կարող է ապագայում քննարկել «Խաղաղության խորհրդի» շրջանակներում Գազայում ներդրումային նախագծերին մասնակցելու հնարավորությունը։ «Այնուամենայնիվ, մենք կցանկանայինք պարզաբանել․ Ադրբեջանի մասնակցությունը «Խաղաղության խորհրդի» այսօրվա նիստում հայտարարված Գազայի համար նախատեսված 7 միլիարդ դոլարի ֆինանսական նախագծին չի նախատեսվում», – գրել է Հաջիևը X սոցիալական ցանցում։

Դրանից մեծ աղմուկ չբարձրացրին. Թրամփը պարզապես ասաց, որ վերջապես սովորել է արտասանել «Ադրբեջան» բառը։ Նա կրկին ստիպեց Ալիևին և Փաշինյանին հրապարակավ ձեռք սեղմել՝ հիշեցնելով նրանց, որ ինքն է դադարեցրել է 30-ամյա պատերազմը։

Սակայն Թրամփը չհիշատակեց 907-րդ բանաձևի չեղարկելու մտադրության մասին, որն արգելում է ԱՄՆ-ի ռազմական օգնությունը Ադրբեջանին՝ մինչև «Լեռնային Ղարաբաղի և Հայաստանի դեմ ագրեսիայի դադարեցումը»։ Ալիևի օգնականը նախկինում ասել է, որ դա կարևոր քայլ կդիտվի։

Թրամփը նաև չներկայացնեց Նախիջևանը որպես Ադրբեջանի մաս ճանաչող որևէ փաստաթուղթ, չնայած որ փոխնախագահ Վենսը վստահեցնում էր, թե «Թրամփի ճանապարհը կվերամիավորի Ադրբեջանի երկու մասերը»։

Միևնույն ժամանակ, նախորդ օրը նույն Հիմքեթ Հաջիևը փաստացի խոստովանեց, որ Ադրբեջանը Բաքվում բեմադրել է «Նյուրնբերգյան դատավարություն» Հայաստանի և Արցախի հանդեպ, քանի որ չի կարող դիմել միջազգային դատարաններ «երկակի ստանդարտների» պատճառով։ Այդպիսով Ալիևի օգնականը խոստովանեց, որ Բաքվի Արցախյան գործը դատապարտված է ձախողման ցանկացած միջազգային դատարաններում։

Եվրոպան պետք է ներառի Թուրքիային գործող պաշտպանության և անվտանգության մեխանիզմներում, հայտարարել է Թուրքիայի նախագահ Ռեջեփ Թայիփ Էրդողանը։

«Աշխարհը փոխվում է, և որքա՞ն ժամանակ կարող է Եվրամիությունը մնալ նեղ օրակարգի գերի արագ վերափոխումների դարաշրջանում։ Սա անհասկանալի է։ Ճիշտ ընտրությունը կլինի վերացնել Թուրքիայի Եվրոպային ինտեգրման գաղափարախոսական խոչընդոտները և ամրապնդել Եվրոպայի ներուժը», – ասել է թուրք առաջնորդը։

Նրա կարծիքով, նրանք, ովքեր բացառում են Թուրքիային և անտեսում համաշխարհային իրողությունները, պետք է վերջապես խոստովանեն, որ իրենց դիրքորոշումը լիովին իռացիոնալ է։

Էրդողանը ակամա խոստովանում է, որ չնայած Թուրքիան ՆԱՏՕ-ի անդամ է, Եվրոպան նրան դիտարկում է ոչ թե որպես դաշնակից, այլ որպես էքսպանսիոնիստ հակառակորդ, որի հավակնությունները հազիվ զսպվում են ՆԱՏՕ-ի միջոցով։

ԱՄՆ նախագահ Թրամփի օրոք Թուրքիան փորձում է ամրապնդել իր դիրքերը Մերձավոր Արևելքում, մասնավորապես Սիրիայում՝ ներկայանալով որպես Իսրայելի մրցակից, որին ԱՄՆ-ն համարում է իր ամրոցը Մերձավոր Արևելքում: Չնայած վերլուծաբանները նշում են, որ Թուրքիան միայն ձևացնում է, թե մրցում է Իսրայելի հետ, իրականում նրանք խաղում են չորս ձեռքով:

Նրանց համատեղ խաղերից մեկը Եվրոպան թուլացնելն ու «գրավելն» է: Դրան հասնելու համար Թուրքիան օգտագործում է ինչպես իր ավանդական զենքը՝ միգրանտներին, այնպես էլ քաղաքական շանտաժը:

«Այսօր թուրքական բանակը ՆԱՏՕ-ի ամենամեծ և ամենաարդյունավետ բանակներից մեկն է: Մենք լիովին վստահում ենք մեր բանակին: Դրա շնորհիվ մենք մի երկիր ենք, որը ոչ միայն բանակցում է սեղանի շուրջ, այլև ցուցադրում է իր կարողությունները մարտադաշտում: Հուսով եմ, որ բոլորը հիմա հասկանում են, որ առանց Թուրքիայի Եվրոպան չի կարողանա ստեղծել հուսալի անվտանգության համակարգ», – ասաց նա:

Բանակի և մահացու զենքի անզուսպ կիրառումը Թուրքիայի գլխավոր առավելությունն է, որը մերժում է Եվրոպայի մարդասիրական, փափուկ սահմանափակումները: Թուրքիան Արցախում և Սիրիայում իր գործողությունները Եվրոպային ներկայացնում է որպես միջազգային իրավունքի սահմանները հատելու կարողություն, այն սահմանները, որոնք Եվրոպայի և՛ ուժեղ, և՛ թույլ կողմերն են։

Էրդողանը շանտաժի է ենթարկում Եվրոպային. եթե դուք մեզ կամավոր չթողնեք ներս, մենք կարող ենք սրով գալ։

Հատկապես, որ ՆԱՏՕ-ի հաջորդ գագաթնաժողովը տեղի կունենա հուլիսի սկզբին, Անկարայում։