«Ինձ չեն հրավիրել հարցաքննության, բայց խոսք է գնում, որ սեպտեմբերին՝ ԱԺ աշնանային նստաշրջանին ինձ եւ Իշխան Սաղաթելյանին անձեռնմխելիությունից պետք է զրկեն, քրեական գործ հարուցեն»,- այսօր լրագրողների հետ զրույցում ասաց պատգամավոր Գառնիկ Դանիելյանը։ Նա նշեց, որ Հայաստանում բռնապետական ռեժիմ է, Հայաստանի բանտերում տեղ չկա։

Այսօր դատարանում ընթանում է Բագրատ սրբազանի եւ մյուսների գործով դատավարությունը։ «Երկու տարի շարունակ ՀՀ-ում բոլոր ուժային կառույցները հետեւել են Սրբազան շարժման ակտիվ դերակատարների ու առաջնորդների տեղաշարժին ու լսել խոսակցությունները։ Այս ամբողջ երկու տարվա մեջ չեն կարողացել գտնել մի փաստ, վերցրել են մոնտաժված ձայնագրությունները, պոլի փետը, կոշիկի մեխը եւ ճանապարհային եռանկյունի նշան ու դրա վրա փորձել են կառուցել  գործը։ Հիշեցնեմ, որ անգամ ՊՊԾ գնդի ժամանակ այդպիսի որակում չի տրվել, որ ահաբեկչություն է նախապատրաստվում։ Մեր հանրությունը պետք է նայի ու տեսնի, թե ինչ ստախոսների, ինչ թրքահպատակ ոչնչությունների հետ գործ ունի։ Այս ամենը, ինչը բերել են ժողովրդի գլխին, հերիք չէ, մի հատ էլ ժողովրդին ապատեղեկացնում են։ Ես ուզում եմ դիմել մեր հայրենակիցներին՝ չհավատաք թրքահպատակ իշխանությունների կեղծ, շինծու մեղադրանքներին։ Սա փուչիկ է, էս գտործը տրաքվելու է»,- նշեց նա։

Գառնիկ Դանիելյանն ասաց, որ ստացվել է այնպես, որ ՀՀ-ում ընդդիմադիր կամ այլախոհ լինելը քրեորեն պատժելի արարք է։ «Հիմա էլ դրան ավելացնում են այն, որ եթե դու Արցախի մասին խոսես, այլ հոդվածներով կդատվես, ռեւանշիստ ես։ Բացի ընդդիմադիր լինելը քրեականացնելը, նաեւ ավելացնում են հոդվածներ՝ պատերազմի մասնակից ես, Արցախի անունը տալիս ես, հոդվածը գնաց»,- նշեց նա։

Ռուսաստանի արտաքին գործերի նախարարության “Международная политика” ամսագիրը հրապարակել է «Բալթիկ ծով. վտանգի երաշխիքներ» վերնագրով հոդված։ Այն առաջարկում է Բալթիկ ծովի շրջակայքը դիտարկել որպես «ռազմական գործողությունների հավանական թատերաբեմ»։ Հոդվածում պնդվում է, որ Բալթյան երկրներում և Հյուսիսային Եվրոպայում ձևավորվում է այսպես կոչված «մոխրագույն գոտի»։

Այս գոտում, ըստ հոդվածի, առաջնային պլան են դուրս գալիս «քարոզչությունը, ակտիվ հետախուզությունը՝ անցումով ահաբեկչությանը, և հոգեբանական գործողությունները»։

Հոդվածում չի բացառվում Ռուսաստանի և ՆԱՏՕ-ի միջև Բալթիկայում ուղղակի ռազմական բախումը։ «Աշխարհագրական դիրքը և պատմական պատմությունների բարդությունը մեզ և մեր հակառակորդներին ստիպում են Բալթիկ ծովի արևելյան մասը դիտարկել որպես ռազմական գործողությունների հավանական թատերաբեմ, գուցե դասական, գուցե «մոխրագույն» ձևաչափով», – ասվում է հոդվածում։

«Международная политика»-ն Ռուսաստանի արտաքին գործերի նախարարության ամսագիր է, որը գործում է 1922 թվականից, և դրա խորհուրդը գլխավորում է երկարամյա արտաքին գործերի նախարար Սերգեյ Լավրովը։

Երբ Ռուսաստանը ողջունեց օգոստոսի 8-ին Վաշինգտոնում Փաշինյանի և Ալիևի միջև ստորագրված համաձայնագիրը, մենք գրեցինք, որ Ռուսաստանը և Միացյալ Նահանգները «հանձնում են» Հայաստանը Թուրքիային՝ որոշ կարևոր քայլերի դիմաց։ Այդ քայլերի թվում կարող է լինել Թուրքիայի համաձայնությունը՝ վետո դնել ՆԱՏՕ-ի 5-րդ հոդվածի օգտագործմանը, եթե Ռուսաստանը օկուպացնի Բալթյան երկրներից մեկը։ Ահա թե ինչու Ռուսաստանը, որը ստորագրել էր 2020 թվականի նոյեմբերի 9-ի հայտարարությունը, այդքան հեշտությամբ «հրաժարվեց» Սյունիքից, չնայած հայտարարության համաձայն՝ հենց իր զորքերը պետք է պահպանեին «Զանգեզուրի միջանցքը»։

ԱՄՆ-ում ստորագրված փաստաթղթերը գործնականում նոր հնարավորություններ կբացեն Հայաստանի և Իրանի միջև երկաթուղային համագործակցության համար, այդ թվում՝ Նախիջևան-Ջուլֆա երկաթուղային գծի միջոցով, ինչը կնշանակի Իրանի երկաթուղային մուտքը դեպի Հայաստան և ի վերջո, դեպի Սև ծով: Այս մասին օգոստոսի 19-ին Երևանում Իրանի նախագահ Մասուդ Փեզեշքիանի հետ հանդիպումից հետո հայտարարել է Հայաստանի վարչապետ Նիկոլ Փաշինյանը։