ԵՄ քսանյոթ երկիր վերացրել է ԵՄ ներգաղթի բարեփոխումների վերջին խոշոր խոչընդոտը, և Եվրոպայի խորհրդի գրեթե հիսուն երկիր սկսել է քննարկումներ Մարդու իրավունքների եվրոպական կոնվենցիայի բարեփոխման վերաբերյալ, որը Երկրորդ համաշխարհային պատերազմի ավարտից ի վեր ծառայել է որպես Եվրոպայում ապաստանի հարցերը կարգավորող հիմնարար փաստաթուղթ, հաղորդում է BBC-ն։

Եվրոպացիները ավելի ու ավելի հաճախ են հայտարարում, որ այդ դարաշրջանն անցյալում է, և որ անհրաժեշտ են բոլորովին այլ գործիքներ՝ ներկայիս ճգնաժամի դեմ պայքարելու և հաջորդին պատրաստվելու համար։ Արդյո՞ք այս գործիքները կաշխատեն, պարզ կդառնա 2026 թվականին. ԵՄ ներգաղթի բարեփոխումները ուժի մեջ կմտնեն հունիսին, իսկ դրանից մեկ ամիս առաջ՝ մայիսին, Եվրոպայի խորհրդի երկրները Քիշնևում կայանալիք գագաթնաժողովում կանդրադառնան մարդու իրավունքների կոնվենցիայի վերանայման հարցին։

Թրամփը վաղուց քննադատում է Եվրոպային, բայց վերջին օրերին նա անցել է իսկական հարձակման։ Նախ, նրա վարչակազմը հրապարակեց ազգային անվտանգության նոր ռազմավարություն, որում հստակ խոստացավ «կազմակերպել դիմադրություն» ներկայիս եվրոպական իշխանությունների նկատմամբ, որպեսզի նրանք հրաժարվեն իրենց ներկայիս ներգաղթի քաղաքականությունից, որը, ըստ Սպիտակ տան, սպառնում է «եվրոպական քաղաքակրթության անհետացմամբ» 20 կամ ավելի քիչ տարիների ընթացքում։

Այս շաբաթ Թրամփը հարցազրույց տվեց Politico-ին, որում ասաց, որ Լոնդոնն ու Փարիզն արդեն իսկ ճնշման տակ են Մերձավոր Արևելքից և Աֆրիկայից եկած միգրանտների կողմից, և որ ներկայիս քաղաքականության պայմաններում որոշ եվրոպական պետություններ «կկորցնեն իրենց կենսունակությունը»։ Թրամփը խոստացավ անձամբ նպաստել ռեժիմների փոփոխությանը եվրոպական երկրներում և աջակցել թեկնածուներին, «որոնց շատ եվրոպացիներ չեն սիրում», ինչպիսին է Վիկտոր Օրբանը Հունգարիայում։

Թրամփի կողմնակից Մեծ Բրիտանիայի Նայջել Ֆարաժը խոստանում է չեղյալ հայտարարել Մարդու իրավունքների եվրոպական կոնվենցիան, ինչպես դա արեց Ռուսաստանը Ուկրաինա ներխուժելուց հետո։

Նման գաղափարներ ունեցող քաղաքական գործիչների հաղթանակը կանխելու համար կոնվենցիան պետք է բարեփոխվի, կարծում է Բրիտանիայի վարչապետ Սթարմերը։

Նախարարները նաև այս շաբաթ Եվրոպայի պատմության մեջ առաջին անգամ հաստատեցին «անվտանգ երկրների» ցանկը։

Այն ներառում է Եգիպտոսը, Մարոկկոն և Թունիսը՝ երկրներ, որտեղից ԵՄ կարելի է հասնել Միջերկրական ծովով նավով, ինչպես նաև Կոսովոն, Հնդկաստանը, Բանգլադեշը և Կոլումբիան: Ավելին, ԵՄ անդամակցության բոլոր թեկնածուները համարվել են «անվտանգ», այդ թվում՝ Մոլդովան, Վրաստանը, Թուրքիան (փախստականների թվով հինգերորդ ամենամեծ երկիրը) և Ուկրաինան: Այնուամենայնիվ, Ուկրաինան ընկնում է բացառություններից մեկի տակ՝ այն երկրների, որոնց տարածքում պատերազմներ են ընթանում:

Այս ֆոնին Հայաստանը բանակցություններ է վարում ԵՄ-ի հետ վիզայի ազատականացման շուրջ, ինչը, ակնհայտորեն, քիչ խոստումնալից է:

Ուկրաինայի նախագահ Վլադիմիր Զելենսկին տեսագրություն է արել Խարկովի մարզի Կուպյանսկ քաղաքից, որի գրավման մասին վերջերս զեկուցել էին Ռուսաստանի առաջնորդ Վլադիմիր Պուտինին։ Ավելի վաղ ուկրաինական զորքերը պնդում էին, որ հաջող հակագրոհ են իրականացրել Կուպյանսկի մոտակայքում և կարողացել են շրջապատել այնտեղ տեղակայված ռուսական զորքերը։

Ռուսական հրամանատարությունը շարունակում է պնդել Կուպյանսկի ուղղությամբ իր հաջողությունների վրա և հերքում է շրջապատման մասին տեղեկությունը։

«Այսօր Կուպյանսկի ուղղությունն է, մեր զինվորները, որոնք այստեղ արդյունքներ են գրանցում Ուկրաինայի համար։ Շատ ռուսներ խոսել են Կուպյանսկի մասին, մենք դա տեսնում ենք։ Ես շնորհավորել եմ տղաներին», – ասել է Զելենսկին իր ելույթում, որի ֆոնին լսվել է առնվազն մեկ պայթյուն։